புதுக்கோட்டை மாவட்டம் திருமயம் அருகே உள்ள கடியாபட்டியில் ஊராட்சியில் ஊராட்சி மன்றத் தலைவர் உமாமகேஸ்வரி - சோமசுந்தரம் தலைமையில் சமத்துவப்பொங்கல் விழா கோலாகலமாக நடைபெற்றது. கடியாபட்டி ஊராட்சி மன்ற அலுவலகத்தில் நடைபெற்ற பொங்கல் விழாவில் தமிழர்களின் பாரம்பரிய விளையாட்டு போட்டிகளான கும்மிப்பாட்டு, கோலப்போட்டி, பாட்டுப்போட்டி, கயிறு இழுத்தல் போட்டி உள்ளிட்ட பல்வேறு போட்டிகள் நடத்தப்பட்டு பரிசுகள் வழங்கப்பட்டன.
மேலும் சமத்துவ பொங்கல் விழா பறை இசை முழங்க பொங்கலோ பொங்கல் என பெண்கள் குலவையிட்டு பொங்கல் பானை பொங்க சமத்துவப் பொங்கல் விழாவை கொண்டாடி மகிழ்ந்தனர். இந்நிகழ்வில் ஒன்றிய கவுன்சிலர் பெரியசாமி, ஊராட்சி மன்றத் துணைத்தலைவர் போஸ், ஊராட்சி செயலாளர் குமரேசன் மற்றும் ஊர்பொதுமக்கள் என பலர் கலந்து கொண்டு சிறப்பித்தனர்.
No comments:
Post a Comment